اسلام آباد۔31جنوری (اے پی پی) وفاقی وزیرخزانہ سینیٹر اسحاق ڈار آکھیا جو پاکستان آئی ایم ایف نال پروگرام ??وں پورا کرݨ کیتے پرعزم اے۔ 9ویں جائزہ دی تکمیل کیتے آئی ایم ایف دے مشن نال پورا تعاون کیتا وںجے۔ حکومت بجلی اتے گیس سودے معیشت دے مختلف شعبیاں اچ اصلاحات دا سلسلہ شروع کیتے۔ انہاں اے ڳالھ منگل کوں بین الاقوامی مالیاتی فنڈ دے جائزہ مشن نال ملاقات اچ آکھی۔ آئی ایم ایف دے وفد دی قیادت آئی ایم ایف دے مشن چیف نتھن پورٹر کریندے پے ہن۔ ایں موقع تے آئی ایم ایف دی ریذیڈنٹ نمائندہ ایسترفیرس روئیس ،وزیرمملکت برائےخزانہ ومحصولات عائشہ غوث بخش،??عا??ن خصوصی طارق باجوہ ، ??عا??ن خصوصی محصولات طارق محمود پاشا، گورنر سٹیٹ بینک جمیل احمد، سیکرٹری خزانہ ،چیئرمین ایف بی آر، آئی ایم ایف وفد دےارکان اتےوزارت خزانہ دے سینئر افسر موجود ہن۔ اجلاس اچ آئی ایم ایف دے توسیع فنڈ سہولت (ای ایف سی) دے تحت 9 ویں جائزے کیتے پاکستان دی معیشت اتے مالیاتی تے اصلاحاتی ایجنڈا داجائزہ ڳھدا ڳیا۔ وزیرخزانہ آئی ایم ایف دے وفد دا خیر مقدم کیتا اتے پاکستان اتے آئی ایم ایف وچال دوستانہ تعلقات تے روشنی پاتی۔ وزیرخزانہ مالیاتی خلیج ڳھٹ کرݨ، ایکسچینج ریٹ دے استحکام اتے معیشت دی بہتری کیتے توانائی دے شعبے سودھے قومی معیشت دے مختلف شعبیاں اچ اصلاحات کیتے حکومت ولوں کیتے ڳے اقدامات بارے وفد کوں ݙسیا۔ وزیر خزانہ مذاکرات دے تسلسل تےآئی ایم ایف دی مینجنگ ڈائریکٹر داشکریہ ادا کیتا۔ انہاں نوویں جائزہ دی تکمیل اچ آئی ایم ایف کوں حکومت دے تعاون اتے حمایت دا یقین ݙوایا۔
