اسلام آباد۔14جنوری (اے پی پی):وزیر خارجہ مخدوم شاہ محمود قریشی نال جمہوریہ کانگو دی مسلح افواج دے کمانڈر ان چیف، لیفٹیننٹ جنرل سکابوے اسیندا فال جمعے کوں وزارتِ خارجہ اچ ملاقات کیتی۔ملاقات دے دوران ،سفارتی ،سیاسی،اقتصادی، علاقائی اتے سلامتی متعلقہ امور تے ڳال مہاڑ کیتی ڳئی ۔وزیر خارجہ آکھیے جو براعظم افریقہ اچ جمہوریہ کانگو کوں ھک کلیدی ملک دی حیثیت حاصل اے۔وزیر خارجہ وزیر اعظم عمران خان اتے پاکستانی قیادت دی طرفوں جمہوریہ کانگو دے صدر اتے افریقی یونین دے چیئرپرسن فیلکس انتوان شیسکیدی کیتے نیک خواہشات دا پیغام ݙتے اتے افریقی یونین کیتے انہاں دی قیادت اتے خدمات دی تعریف کیتی کانگو اچ پرامن جمہوری ح??ومت دی منتقلی تے مبارخ ݙتی ۔وزیر خارجہ جمہوریہ کانگو دے وزیر خارجہ کرسٹوف آپالا کی??ے دورہ پاکستان دی دعوت دا پیغام ݙتا۔وزیر خارجہ آکھیے جو پاکستان، سفارتی حوالے نال “انگیج افریقہ” دی پالیسی تے گامزن اے،پاکستان علاقائی امن دے حوالے نال کانگو دے کردار ??ا معترف اے۔ فریقین دے درمیان دفاع، تربیت، سکیورٹی دے شعبیں اچ ݙو طرفہ تعاون دے ودھارے تے وی ڳال مہاڑ تھئی ۔شاہ محمود قریشی آکھیے جو اقوام متحدہ م??ن دے تحت جمہوریہ کانگو اچ قیام امن کیتے آپݨا کردار ??اری رکھݨ کیتے پرعزم ہن۔جمہوریہ کانگو دی مسلح افواج دے کمانڈر ان چیف لیفٹیننٹ جنرل سکابوے اسیندا فال کانگو اچ تعینات اقوام متحدہ دے امن مشن اچ پاکستانی فورسز دی خدمات دی تعریف کیتی ۔
