وفاقي ڪابينا پاران اداراجاتي سڌارا ڪميٽي جي سفارشن جي منظوري، ادارن کي ضم ۽ تحليل ڪرڻ سان امڪاني طور تي متاثر ٿيندڙ ملازمن جي مفادن جي تحفظ کي يقيني بڻائڻ جي لاءِ ڪميٽي قائم، مختلف وزارتن جي 82 سرڪاري ادارن کي ضم ۽ تحليل ڪري 40 ادارن ۾ تبديل ڪيو ويندو

اسلام آباد – 27 – آگسٽ (اي پي پي) وفاقي ڪابينا اداراجاتي سڌارا ڪميٽي جي سفارشن جي منظوري ڏيندي ادارن کي ضم ۽ تحليل ڪرڻ سان امڪاني طور تي متاثر ٿيندڙ ملازمن جي مفادن جي تحفظ کي يقيني بڻائڻ جي لاءِ ڪميٽي قائم ڪري ڇڏي جڏهن ته مختلف وزارتن جي 82 سرڪاري ادارن کي ضم ۽ تحليل ڪري 40 اهڙن ادارن ۾ تبديل ڪيو پيو وڃي جن ۾ ڊيجيٽائيزيشن، سمارٽ مئنيجمينٽ، ايفيشينٽ گورننس، منصوبن تي شفاف ۽ تيز عملدرآمد ۽ عام ماڻهو کي سهولتن جي بهتر فراهمي يقيني بڻائي ويندي. وزيراعظم آفيس جي ميڊيا ونگ پاران جاري پڌرائي موجب وزيراعظم محمد شهباز شريف جي صدارت ۾ وفاقي ڪابينا جو اجلاس ٿيو. وفاقي ڪابينا گذريل ڏينهن بلوچستان ۾ دهشتگردي جي واقعن ۽ دهشتگردن جي معصوم شهرين تي بزدلاڻي حملن جي شديد لفظن ۾ مذمت ڪئي. ڪابينا انهن واقعن ۾ شهيد ٿيندڙ سيڪيورٽي فورسز جي افيسرن ۽ اهلڪارن ۽ معصوم شهرين جي مغفرت جي لاءِ دعا ڪئي. ڪابينا انهن واقعن ۾ ملوث دهشتگردن جي جلد کان جلد نشاندهي ڪري انهن جي خلاف ڀرپور ڪارروائي ڪرڻ جي هدايت ڪئي. وزيراعظم ناڻي واري وفاقي وزير، قومي غذائي تحفظ واري وفاقي وزير، توانائي واري وفاقي وزير ۽ لاڳاپيل وزيرن ۽ آفيسرن جي ايندڙ ربيع جي فصل جي لاءِ يوريا ڀاڻ جي بنا رڪاوٽ فراهمي جي لاءِ ڪيل فيصلن کي ساراهيو. ايندڙ ربيع جي فصل جي لاءِ يوريا ڀاڻ جي ڪارخانن کي بنا رڪاوٽ گئس جي فراهمي سان يوريا جي درآمد کي روڪي قومي خزاني کي 130 ملين ڊالر جي بچت وئي وئي. وزيراعظم چيو ته ملڪ جي وسيع مفاد ۾ سمورن وزيرن ۽ ادارن کي جتان به ممڪن ٿئي قوم جو هڪ هڪ پئسو بچائڻ جي لاءِ اهڙا بهتر فيصلا ڪرڻ گهرجن. وفاقي ڪابينا هائوسنگ اينڊ ورڪس واري وزارت جي سفارشن تي پاڪ پي ڊبليو ڊي جي تحليل، اسٽاف ۽ جاري منصوبن جي ٻين وزارتن ۽ ادارن ۾ منتقلي جي حوالي سان تجويزون پيش ڪيون ويون. اجلاس کي ٻڌايو ويو ته وزيراعظم جي هدايت تي پي ڊبليو ڊي تحت جاري ترقياتي ۽ سرڪاري شعبي جي ترقياتي پروگرام جي منصوبن تي بنا رڪاوٽ ڪم جاري رکڻ جي لاءِ ۽ ضروري مينٽيننس اسٽاف ۽ انڪوائريز کي لاڳاپيل وزارتن ۽ صوبائي حڪومتن جي حوالي ڪيو پيو وڃي. ان حوالي سان وفاقي ڪابينا هائوسنگ اينڊ ورڪس واري وزارت جي سفارشن جي منظوري ڏئي ڇڏي. وزيراعظم چيو ته ملڪ ۾ گورننس جي بهتري ۽ اداراجاتي سڌارن جي لاءِ ترجيحي بنيادن تي قدم کڻي رهيا آهيون، ملڪ جي نظام کي جديد رخن تي قائم ڪرڻ ۽ عالمي گهرجن سان هم آهنگ ڪرڻ جي لاءِ ادارن جي ڊيجيٽائيزيشن ۽ سمارٽ مئنيجمينٽ متعارف ڪرائي رهيا آهيون. وفاقي ڪابينا کي ناڻي واري وزير جي سربراهي ۾ قائم اداراجاتي سڌارن جي لاءِ قائم ڪيل ڪميٽي جون تجويزون پيش ڪيون ويون. ڪابينا کي ٻڌايو ويو ته وفاقي حڪومت جي ڪارڪردگي بهتر بڻائڻ، افرادي قوت جي صحيح استعمال، پاليسي سازي ۽ فيصلا لاڳو ڪرڻ ۾ غيرضروري تعطل کي ختم ڪرڻ ۽ رڳو انتهائي ضروري ادارن کي وڌيڪ مضبوط ڪرڻ جي لاءِ پهرين مرحلي ۾ 6 وزارتن تي ڪميٽي جي سفارشن کي لاڳو ڪرڻ شروع ڪيو ويو آهي. اجلاس کي ٻڌايو ويو ته ڪميٽي جي سفارشن جي روشني ۾ انهن وزارتن جي 82 سرڪاري ادارن کي ضم ۽ تحليل ڪري 40 اهڙن ادارن ۾ تبديل ڪيو پيو وڃي جن ۾ ڊيجيٽائيزيشن، سمارٽ مئنيجمينٽ، ايفيشينٽ گورننس، منصوبن تي شفاف ۽ تيز عملدرآمد ۽ عام ماڻهو کي سهولتن جي بهتر فراهمي يقيني بڻائي ويندي. وفاقي ڪابينا ڪميٽي جي سفارشن جي منظوري ڏيندي ادارن کي ضم ۽ تحليل ڪرڻ سان امڪاني طور تي متاثر ٿيندڙ ملازمن جي مفادن جي تحفظ کي يقيني بڻائڻ جي لاءِ ڪميٽي قائم ڪري ڇڏي. وفاقي ڪابينا کي وزيراعظم جي حڪومتي خرچن کي گهٽ ڪرڻ جي ويزن ۽ هدايتن تحت جاري ڪفايت شعاري مهم تي اڳڀرائي ۽ قدم لاڳو ڪرڻ تي تفصيلي بريفنگ ڏني وئي. وفاقي ڪابينا گذريل حڪومت جي دور ۾ وزيراعظم شهباز شريف جي قيادت ۾ ڪابينا پاران منظور ٿيل ڪفايت شعاري مهم جي قدمن کي جاري رکڻ جي منظوري ڏئي ڇڏي. انهن قدمن ۾ ڪابينا ميمبرن جي رضاڪاراڻي طور تي پگهار نه وٺڻ، انتهائي ضروري گاڏين مثال طور ايمبولينسز کانسواءِ سرڪاري گاڏين جي خريداري تي پابندي، نئين اوزارن ۽ مشينري جي خريداري تي پابندي، نئين سرڪاري جاين جي تخليق، سرڪاري خرچ تي غيرضروري ٻاهرئين ملڪ سفر ۽ ٻاهرئين ملڪ علاج تي پابندي شامل آهي. هن چيو ته ملڪ ان ڳالهه کي برداشت نه ٿو ڪري سگهي ته آفيسرشاهي ۽ اشرافيه غريب عوام جي ٽيڪس تي عيش ڪن. وزيراعظم چيو ته پنهنجي رت جي آخري ڦڙي تائين ان غريب عوام جي هڪ هڪ پئسي جي جيستائين ممڪن ٿي سگهيو حفاظت ڪندس، وزير ان ڳالهه کي يقيني بڻائين ته لاڳاپيل وزارتن ۽ ادارن ۾ ڪفايت شعاري مهم جي قدمن تي ڀرپور عملدرآمد جاري آهي. وزيراعظم چيو ته ڪفايت شعاري مهم جي قدمن تي عملدرآمد يقيني بڻائڻ ۾ وزيرن ۽ آفيسرن جون ڪوششون ساراهه جوڳيون آهن. وفاقي ڪابينا اقتصادي رابطا ڪميٽي جي 22 آگسٽ 2024ع تي ٿيندڙ اجلاس ۾ ڪيل فيصلن جي توثيق ڪري ڇڏي.

مضمون کا ماخذ : estatisticas para ganhar na loteria

متعلقہ مضامین