اطلاعات واري وفاقي وزير عطاءُ الله تارڙ پاران ڪائونسل آف پاڪستان نيوز پيپر ايڊيٽرز جي نئين چونڊيل عهديدارن کي مبارڪون

اسلام آباد – 31 – مئي (اي پي پي) اطلاعات، نشريات، قومي ورثي ۽ ثقافت واري وفاقي وزير عطاءُ الله تارڙ ڪائونسل آف پاڪستان نيوز پيپر ايڊيٽرز (سي پي اين اي) جي نئين چونڊيل عهديدارن کي مبارڪباد ڏيندي چيو آهي ته سي پي اين اي ملڪ ۾ شاندار صحافتي روايتن جي امين آهي، ملڪ ۾ جمهوريت جي فروغ، صحافتي قدرن جي پاسداري ۽ عوام کي باشعور بڻائڻ ۾ سي پي اين اي بطور اداري فعال ڪردار ادا ڪيو. پنهنجي پيغام ۾ اطلاعات واري وفاقي وزير چيو ته جمهوريت جي مضبوطي جي لاءِ صحافت ۽ اظهار راءِ جي آزادي ضروري آئيني گهرج آهي. هن چيو ته حڪومت سدائين ميڊيا جي مسئلن جي حل کي پنهنجي ترجيحن ۾ رکيو آهي. هن چيو ته اخبارن ۽ رسالن جي مسئلن جي حل لاءِ سي پي اين اي سان تعاون جاري رکيو ويندو. اطلاعات واري وفاقي وزير ان اميد جو اظهار ڪيو ته نوان چونڊيل عهديدار صحافت جي شعبي جي بهتري ۽ ميڊيا صنعت جي ڀلائي لاءِ صحافتي برادري جي اميدن تي پورو لهندا. پنهنجي پيغام ۾ اطلاعات واري وفاقي وزير سي پي اين اي جي صدر ارشاد احمد عارف، سيڪريٽري جنرل اعجازالحق، سينيئر نائب صدر انور سجادي ۽ ٻين نئين چونڊيل عهديدارن کي مبارڪباد ڏني ۽ انهن جي لاءِ نيڪ خواهشن جو اظهار ڪيو.

مضمون کا ماخذ : موبائل سے لاٹری کھیلیں

متعلقہ مضامین