وفاقي حكومت د پوځي عدالتونو له جوړېدو وروستو د 717 ترهګرو تورنو كېسونه ملټري كورټس ته ليږلي۔ پوځي عدالتونو د 546 كېسونو اورېدنه بشپړ كولو سره ددې په اړه پرېكړې جاري كړې۔ 310 ترهګرو ته د مرګ او 234 ته د ټول عمري زندان سزا واورلې شوه۔ آئي اېس پي آر

پنډۍ ۔ 16 دسمبر (اے پی پی) آئي اېس پي آر د اتوار په ورځ د ملټري كورټس له جوړېدو وروستو دې عدالتونو ته په لېږلې شويو مقدمو د كارروائۍ تفصيلات جاري كړې دي۔ د آئی اېس پی آر ترمخه وفاقي حكومت د پوځي عدالتونو له جوړېدو وروستو د 717 ترهګرو تورنو كېسونه ملټري كورټس ته ليږلي وو په كومو كښې چې پوځي عدالتونو د 546 كېسونو اورېدنه بشپړ كولو سره ددې په اړه پرېكړې جاري كړې دي۔ په دې 546 مقدمو كښې 310 ترهګرو ته د مرګ سزا او 234 ته د ټول عمري زندان سزا په شمول د لږې تر لږې 5 كالو سزا سره سره د بېلو وختونو زندان خوړلو سزا اورولې شوې ده۔ دوه ملزمان بري كړې شوي دي۔ كومو 310 ترهګرو ته چې د مرګ سزا اورولې شوې وه په دوئي كښې 56 ترهګرو ته پوځي عدالتونو سره سره د نورو عدالتونو څخه قانوني كارروائۍ كولو نه وروستو د مرګ سزا وركړې شوې ده۔ د پوځي عدالتونو د پرېكړو په اعلی سول عدالتونو كښې د اپيلونو او د اولس مشر او د پاك پوځ سرلښكر لخوا ددوئي د رحم اپيلونو خارج كولو څخه وروستو ددوئي د مرګ په سزا عملدرآمد شوې دې۔ د بيان ترمخه د باقي پاتې 254 ترهګرو د مرګ سزا په ضد د اپيلونو سماعت په بېلو اعلی عدالتونو كښې روان دې۔ د كومو ترهګرو د مرګ سزا په ضد اپيلونو سماعت چې په اعلی عدالتونو كښې وو دوئي كښی د ترهګرۍ پېښو كښې ككړ ماسټر مائنډ، د ترهګرۍ په منصوبو عمل كوؤنكي او د سهولت كارو په شمول په نورو كارروايو كښې ككړ ملزمان هم شامل دي۔ په دې كارروايو كښې په آرمي پبلك سكول پېښور په 16 دسمبر 2014 ترسره شوې د ترهګرۍ لوئې بريد هم شامل دے۔ په كومه كښې چې د ككړو 5 تورنو د مرګ په سزا عملد درآمد شوې دې۔ دغسې ستمبر 2008ء كښې په مېریټ ھوټل اسلام آباد ترهګر بريد ، دسمبر 2009ء كښې پرېډ لېن ترهګر بريد ، دسمبر 2009ء كښې د آئی اېس آئی په ملتان دفتر ترهګر بريد ، اپرېل 2009ء كښې د سپیشل سروسز ګروپ په افسرانو بريد ٬ نومبر 2010ء د آئی ایس آئی په سكھر دفتر بريد ، اپرېل 2012ء كښی مستونګ كښې ترهګر بريد ٬ جون 2013ء كښې نانګا پربت كښې په ترهګرو بريدونو ، اګست 2013ء كښې چلاس كښې سول او امنيتي ځواكونو بريد ، جنوری 2014ء كښې په اېس اېس پی چوھدری اسلم بريد ٬ جون 2014ء كښې په کراچی ایئرپورټ بريد ، اپریل 2015ء كښې په مسز سبین محمود بريد ، مئی 2015ء كښې کراچۍ كښی په صفوره ګوټھ كښې ترهګر بريد ، جنوری 2016ء كښې په باچا خان پوهنتون بريد او جون 2016ء كښې په امجد صابری قوال د ترهګرۍ بريد په شمول د ترهګرۍ په نورو كاروايو كښې د ككړو ترهګرو د مرګ په سزا عملدرآمد شوې دې۔

مضمون کا ماخذ : کمپیوٹر لاٹری

متعلقہ مضامین