سعودي عرب سان پاڪستان جا پراڻا لاڳاپا اسان جي پرڏيهي پاليسي جو انتهائي اهم ٿنڀ آهن: وزيراعظم محمد شهباز شريف

اسلام آباد – 17 – ڊسمبر (اي پي پي) وزيراعظم محمد شهباز شريف چيو آهي ته سعودي عرب سان پاڪستان جا پراڻا لاڳاپا اسان جي پرڏيهي پاليسي جو انتهائي اهم ٿنڀ آهن، اسان سعودي عرب سان پنهنجي اقتصادي ۽ مالياتي لاڳاپن کي وڌائڻ جي لاءِ سرگرم آهيون. وزيراعظم آفيس جي پريس ونگ پاران جاري بيان موجب وزيراعظم محمد شهباز شريف سان سعودي عرب جي شوريٰ ڪائونسل جي چيئرمين ڊاڪٽر عبدالله محمد ابراهيم الشيخ ۽ سندس وفد ملاقات ڪئي. وزيراعظم محمد شهباز شريف پاران خادمين حرمين شريفين شاهه سلمان بن عبدالعزيز ۽ سعودي ولي عهد ۽ وزيراعظم شهزاده محمد بن سلمان جي لاءِ نيڪ خواهشن جو اظهار ڪيو. وزيراعظم محمد شهباز شريف چيو ته مون کي هن سال ڪيترائي ڀيرا سعودي عرب جو دورو ڪرڻ جو موقعو مليو جيڪو پاڪستان ۽ سعودي عرب جي وچ ۾ گهري لاڳاپن جي عڪاسي ڪري ٿو، آئون سعودي عرب کي ”فيفا ورلڊ ڪپ 2034ع“ جي ميزباني جو حق کٽڻ تي مبارڪباد ڏيان ٿو. مون کي يقين آهي ته سعودي عرب ان ايونٽ جو بهترين طور تي انعقاد ڪندو. هن چيو ته سعودي عرب سان پاڪستان جا پراڻا لاڳاپا اسان جي پرڏيهي پاليسي جو انتهائي اهم ٿنڀ آهن، پاڪستان جي حڪومت ۽ عوام مشڪل وقت ۾ سعودي عرب پاران فراهم ڪئي ويندڙ مدد کي دل جي گهراين سان ساراهين ٿا. هن چيو ته ٻنهي ملڪن جي وچ ۾ لاڳاپا وڌيڪ مضبوط ڪرڻ جي لاءِ پارلياماني مٽاسٽا انتهائي اهم آهي، اسان سعودي عرب سان پنهنجي اقتصادي ۽ مالياتي لاڳاپن کي وڌائڻ جي لاءِ سرگرم آهيون. وزيراعظم چيو ته سعودي عرب ۽ پاڪستان جي وچ ۾ 2.8 ملين ڊالر جي ماليت جي معاهدن تي صحيحون ٿيون آهن جن ۾ ڪيترن ئي معاملن تي ڪم جي شروعات ٿي چڪي آهي، مون کي اميد آهي ته جلد ئي انهن معاهدن جا ثمر ٻنهي ملڪن کي ملڻ شروع ٿي ويندا. سعودي عرب ۾ اٽڪل 2.5 ملين ماڻهن تي ٻڌل پاڪستاني ڪميونٽي ٻنهي ملڪن جي وچ ۾ هڪ مضبوط پل جو ڪم ڪري ٿي. عرب – اسلامي سربراهي اجلاس جي ميزباني تي ولي عهد شهزاده محمد بن سلمان کي ساراهيان ٿو جنهن غزه، لبنان ۽ خطي ۾ امن جي لاءِ مسلمان امت جي مطالبي کي سگهه ڏني. هن چيو ته پاڪستان، غزه ۽ لبنان جي عوام جي مصيبتن ۽ انساني حقن جي خلاف ورزين جي خلاف سمورين ڪوششن جي لاءِ پنهنجي مڪمل حمايت جاري رکندو.

مضمون کا ماخذ : میگا فارچیون

متعلقہ مضامین